Leive Beseukers,
wilkaamen up de Websiten von uns Amt Sandsnäben-Nuss.
Dat Amt Sandsnäben-Nuss hätt de Upgav, de gemeinsame Verwaltung von 25 Gemeinden mit tausamen 15.700 Inwahners tau leisten. In de Mitt twüschen de olen Hansestädte Hamburg und Lübeck und de Städte Mölln und Bad Oldesloe liegt dat Amt. Week meint ok, dat dor is de "Wilde Westen" von den schönen Landkreis Herzogtum Lauenborg.
Mit de Versorgung von uns öffentlichen Gebüchen mit Nahwärme ut ökologischer Energie sünd wi up de Energiekrise von hüt all gaud vörbereit. Liekers sünd de Tieden unsicher, besonners wenn wi an dat Rasseln und de Kämpfe twüschen de Länner up unsen Globus kieckt und an de Flüchtlingsituation und de hoge Inflation denkt. So mancher fröch sick: Reckt mien poor Groschen för de Taukunft?
De Taukunft ringt us fähl aff, awer wi höbt ein Amtsverwaltung mit engagierte Lüü, de ok in sonne Situationen helpen dauht und för einen dor sünd. Wi wüllt besünners de Utsichten för de Taukunft in't Ooge behoolen. Dat wichtigste is, dat uns Gemeinden ehr Taukunftsfähigkeit up dat platte Land beholt.
Näben uns Verpflichtungen in de Grundversorgung, de in uns Amtsentwicklungskonzept beschräben sünd, liggt tau Tied uns größte Arbeet in de Verbäärerung von dat Schmutzwarrer in de Dörper. Üm dat Freibad in Steinhorst ok för de nächsten Generationen an’t Läben tau holen, süd wie dorbi, dat up den besten Stand tau holen. Na aal de Arbeet kann man sick bi uns in‘t Duvenseer Moor bi'n Spaziergank verhoolen und frische Kraft tanken.
Bäther höbt wi dat schafft, dat Kita-Angebot in uns Gemeinden ümmer werrer tau vergrötern. As Schauldräger von uns bee Schaul-Standorte in Sandsnäben und Nuss sünd wi dorbi, de Schaulen ümmer wierer tau entwickeln. So gävt wi de Schaulkindern de Mööglichkeit, nah an't Öllernhus und in modern Rümlichkeiten ein besten Start in de Bildung to häbben.
Wi lad juch in tau ein kort Reis dörch uns Dörper und wünscht juch vääl Spaß bi't Rümkieken in de Besünnerheiten in uns Region. Wenn dat för juch üm de Eck is, kann ut dat virtuelle Beseuken bald ein persöönlichen Taufall warden. Dat wür uns fröten.
Allens Gaude
Juch Ulrich Hardtke und Tina Knuth